ELSSIE ANSAREO-REN ‘NFONI/ISLADA’, ARGAZKI ERAKUSKETA
2019(e)ko Otsailaren 8a - 2019(e)ko Martxoaren 31a
Anesvadek eta Caostica elkarteak Bilboko Euskal Museoan Elssie Ansareo argazkilariaren ‘Nfoni/Islada’ erakusketa aurkezten dute. Erakusketarekin, Euskadin lehen aldiz, gizartearen zati handi batentzat ezkutuan dagoen kolektibo bat agerian jarri nahi da: Saharaz Hegoaldeko Afrikako emakume langileena.
Helburu horrekin egin du lan Ansareok, Anesvadek Ghana eta Beni herrialdeetan azken bi urteetan egindako lana dokumentatuz, izan ere,Bilboko GKE horrek bere lankidetza-‐proiektuak ga ratzen di tuen he rrialdeetako bi ba itira. Erakusketa zuri-‐beltzean egindako argazkiz dago osatuta, eta herrialde horietan oso urrun dauden landagune batzuetako emakumeen kolektiboak azaltzen ditu, non jendeak funtsezko zerbitzurik ez dituen, adibidez edateko ura edo kalitatezko instalazio sanitarioak, eta gizarte horien egituratzaile eta bultzatzaile gisa betetzen duten zereginaren omenaldi gisa planteatzen da.
“Islada” da erakusketa hobekien definitzen duen hitzetako bat. Batetik, izenak berak hori dio (nfoni hitzak islada esan nahi du Ghanako twi dialektoan), eta bestetik, erakusketarekin “ikusi nahiko ez genukeen baina gure errealitatearen zati den ispiluaren edo objektiboaren beste aldea islatu nahi delako”, erakusketaren komisario Itxaso Mendiluzek adierazi duen bezala.
Aurkezpenean, Ansareok zera azpimarratu: “erakusketa hau nire lehen lan dokumentala da, nire karrera profesionalean egin dudan aldaketa bat, eta harro nago hori egiteaz, ezezagunak diren baina existitzen diren eta agerian jarri behar diren errealitateak aurkeztu ditzakedalako”. Obraren garrantziari dagokionez, artistak zera adierazi du: “nire kezkarik handiena nire obran argazkia atera dieten pertsonen eskuzabaltasuna erakustea izan da, euren bizimoduak azaltzea, eta oso urrun dagoen edozein parajetan topo egiten dugunean nirekin konpartitzen dituzten emozioak islatzea”. Horregatik, oso harro dago “mundu berdin bateko bi errealitateren arteko bitartekari izan delako”.
Erakusketa Bilboko Euskal Museoan zabalik egongo da martxoaren 31ra arte, 10:00etatik 19:00ak arte, astelehen, asteazken, ostegun eta ostiraletan. Larunbatetan 10:00etatik 13:30era eta 16:00etatik 19:00etara egongo da zabalik, eta igandetan 10:00etatik 14:00etara.
‘Gizazinea’ Festibala
Erakusketa ‘Gizazinea’ festibalaren IX. Edizioaren jardueren barnean dago bilduta, hau da, balioetan eta giza eskubideetan oinarritutako hezkuntza eta sormen artistikoa uztartzen dituzten hezkuntza izaerako jardunaldietan.
Caostica Elkarteak antolatzen du, eta hainbat gizarte-‐errealitate eta giza errealitate jendearengana hurbildu nahi ditu, bertaratuek gogoeta egin dezaten eta lankidetza, nazioarteko gatazkak, pobrezia, krisi ekonomikoa edo antzeko gaiei lotutako obren egileekin solasaldia egin dezaten sustatuz. Festibalaren programazioa hemen kontsulta daiteke: www.caostica.com/gizazinea/.
Anesvad Bilbon 1968an sortu zen GGKE bat da, eta bere helburua Saharaz Hegoaldeko Afrikan kalteberatasun-egoeran dauden populazioen bizi-baldintzak kaltetzen dituzten Ahaztutako Gaixotasun Tropikal jakin batzuk kontrolatzen, ezabatzen eta, ahal denean, desagerrarazten laguntzea da. Bere esku-hartzearen estrategia giza eskubideen ikuspuntutik aplikatzen da, Osasunaren Lehen Mailako Arretaren estrategiarekin koherentzian.
