Bizkaiko erakundeak Madrilgo Euskal Abesbatzaren (Euskal Etxea) emanaldi bat eskainiko digu urriaren 19an, Klaustroan, bai eta Museoko balkoitik Arkeologi Museoko balkoira egingo den bertso-saio bat ere

Bestalde, urriaren 27an, Kemen Gra Abesbatzak emanaldia egingo du Museoko atarian

Aurten, jardunaldiak “Ondarea plazara!” lelopean egingo dira

Bizkaiko Foru Aldundiak, beste behin ere, Ondarearen Europako Jardunaldiak ekarriko ditu, “Ondarea plazara!” lelopean; kultur ondareari buruzko asmo handiko sentsibilizazio-programa da, Europako Kontseiluak sustatua, Europar Batasunaren lankidetzarekin. Urrian izaten dira, eta ondarearekin nahiz historiarekin erlazionatutako jarduerez gozatzeko aukera ematen diete bertaratutakoei.

Euskal Museoak kultur jai honekin bat egingo du, eta euskal musika presente egongo den hainbat ekitalditan parte hartzera gonbidatuko du interesa duen pertsona oro. Jarraian, jarduerei buruzko informazio osoa:

AHOTZAK PLAZARA   |   Kontzertua

Abestea, euskal tradizio garrantzitsuenetakoa ez ezik, gure ondarea bizirik mantentzeko modu onenetakoa ere bada, baita etxetik kanpo ere. Horrexegatik, 2019ko Ondarearen Europako Jardunaldietan, kantua izango da Euskal Museoaren egitarauaren ardatza. Eta, aurten, aukera emango digu Madrilgo Euskal Orfeoiaz (Euskal Etxea) gozatzeko.

Hizkuntza:

Euskara

Topalekua:

Euskal Museoa. Sarrera Gurutze kaletik

Eguna eta ordua:

Larunbata, hilak 19, 12:00etan

Antolatzailea:

Euskal Museoa

Informazioa:

944 150 231. Ez da beharrezkoa aldez aurretik izena ematea.

BALKOITIK BALKOIRA  |   Bertsolaritza

Euskal Museoak eta Arkeologi Museoak euskal kulturarekin hertsiki erlazionatutako tradizio batekin bat egingo dute urrian, erdialdeko Unamuno plazara irteten diren balkoietan egingo den bertso-saio batekin. Gure ondareaz eta gure ohiturez gozatzeko modu on bat, jai-giroan.

Hizkuntza:

Euskara

Topalekua:

Unamuno plaza

Eguna eta ordua:

Larunbata, hilak 19, 13:00ean

Antolatzailea:

Arkeologi Museoa

Euskal Museoa

Informazioa:

944 150 231. Ez da beharrezkoa aldez aurretik izena ematea.

KEMEN GRA  |   Orfeoia

Euskal Museoak programatutako musika-tradizioetan inspiratutako egitaraua orain dela gutxi sortutako Kemen Gra abesbatzaren emanaldiarekin osatuko da. Xabier Kalzadaren zuzendaritzapean, 10 lagunek osatzen dute Kemem Gra, eta aurretik beste talde batzuetako kide izan dira, esate baterako, Bilboko Operaren Abesbatza, Ars Viva edo Leioako San Juan abesbatza. A capella abesten dituzten kantak euskarazko abesti tradizionalak dira.

Hizkuntza:

Euskara

Topalekua:

Euskal Museoa. Sarrera Gurutze kaletik

Eguna eta ordua:

Igandea, hilak 27, 12:00etan

Antolatzailea:

Euskal Museoa

Egitaraua:https://www.euskalmuseoa.eus/public_data/pdf/actualidad/a5f02-programacion-kemen-gra-egitaraua.pdf

Informazioa:

944 150 231

Edukiera bete arte. Ez da beharrezkoa aldez aurretik izena ematea.

Euskal musika oso presente egongo da Euskal Museoak aurten antolatutako jardueretan.

Ondarearen Europako Jardunaldiak ospatzeko zain izango gaituzue Euskal Museoan!