Emanaldia Museoko Klaustroan izango da ekainaren 6an, 18:00etan

Bi erakundeen arteko kolaborazioaren xedea da publikoari hiriko musikariek egindako lana erakustea

BilbaoMusikako musikariek, AkordeON taldearen eta Ahotsak abesbatzaren eskutik, abesti ugari eskainiko dituzte

Doakoa da

Kultura hedatzea eta, bereziki, euskal kultura hedatzea da Euskal Museoaren xedeetako bat. Hori dela eta, Bizkaiko erakundeak lankidetza hitzarmen bat sinatu du BilbaoMusikarekin, Klaustroan akordeoien eta abesbatza baten kontzertu bat emateko. Kontzertua, AkordeON taldearen eta Ahotsak abesbatzaren eskutik, ekainaren 6an (osteguna) izango da, 18:00etan.

Doakoa da, eta publikoari BilbaoMusikako musikariek instrumentu horrekin egiten duten lana erakutsi nahi diote. Errepertorio zabal baten bidez akordeoiak, ahotsarekin lagunduta, dituen musika aukera guztiak erakutsiko dituzte.

Joateko ez da aurretik sarrera lortu behar. Ikusleak Klaustroan sartu ahalko dira, Gurutze kaleko 15. zenbakitik, ekimena hasi baino 15 minutu lehenago.

Bilbon, espazio berezi batean akordeoien kontzertu batera joan nahi duzu? Euskal Museoak eta BilbaoMusikak instrumentu horren musikaz gozatzeko aukera ematen dizute.