Euskal Museoak bisita gidatu batera gonbidatu nahi zaitu (maiatzaren 30ean, 18:00etan), Euskara Ibiltaria aldi baterako erakusketaz gozatzeko

Euskara Ibiltaria erakusketak (Euskaltzaindiak sortu zuen bere mendeurrena ospatzeko) duela aste batzuk ireki zituen ateak Euskal Museoan. Orain, Bizkaiko erakundeak bere lagunak gonbidatu nahi ditu erakusketa deskubritzera, bisita gidatu berezi baten bitartez. Hitzordua maiatzaren 30ean izango da, 18:00etan, Euskal Museoan.

Bisitan parte hartzeko, izena eman beharko duzu aldez aurretik, 94 415 54 23 telefono zenbakira deituz edo e-mail honi erantzunez.

Euskaltzaindiak, Akademiaren mendeurrena dela-eta, Euskara Ibiltaria erakusketa berritu du. Bertan, bideoak, audioak, jokoak, puzzleak eta Euskararen Herri Hizkeren Atlasarekin erlazionatuta dauden testu berriak jaso dira.

Hori dela-eta, euskarazko hitz eta ahotsak irakurtzeko, entzuteko, usaintzeko eta eurekin jolasteko aukera ematen duen erakusketa da.

Maiatzaren 30ean espero zaitugu, berriro ere Euskal Museoaz elkarrekin gozatzeko!

Aukera hau aprobetxatu nahi dugu, gurekiko dituzun fideltasuna eta konpromisoa eskertzeko.

Eskerrik asko