Gaur egun, Bizkaiko erakundeko klaustro berezian Bilboko Erraldoiak eta Buruhandiak erakusketa dago ikusgai

Iaz 23.000 pertsonak baino gehiagok bisitatu zuten erakusketa

Bilboko Aste Nagusia jardueraz beteta dago, eta Euskal Museoak bat gehiago proposatu nahi du, alegia, bere erakusketa ezagunetariko bat bisitatzea: Bilboko Erraldoiak eta Buruhandiak. Horregatik, Bizkaiko erakundeak erabaki du Aste Nagusian zehar Museoaren sarrera doakoa izatea. Horrenbestez, bilbotarrek zein bisitariek erakusketa egonkorraz, aldi baterako erakusketaz (Fu la Spagna: Espainiako Gerra Zibilari buruzko begirada faxista) eta aipatutako Erraldoien erakusketaz gozatzeko aukera izan ahalko dute.

Doako sarrera lortzeko, Aste Nagusian Euskal Museoko harrera-lekura joatea besterik ez dago, bertan sarrera eskatu, eta sartu. 2017an 23.000 pertsonak baino gehiagok bisitatu zuten Museoa Bilboko Aste Nagusian, eta, aurten, Bizkaiko erakundeak arrakasta berbera izatea espero du.

Honakoa aukera paregabea da jaian buru-belarri sartzeko, eta Bilboko Zazpikaleetan bertan dagoen tradiziozko museoaz gozatzeko.

Aste Nagusian doakoa izango da Euskal Museoaz gozatzea! Aprobetxatu aukera, eta murgildu zaitez euskal kulturan.

Euskal Museoari buruzko informazio guztia eta ordutegiak:  www.euskalmuseoa.eus