Bilboko Erraldoi eta Buruhandiekin gozatuz sari zoragarriak irabazi nahi? Euskal Museoak lehiaketa dibertigarriak antolatu ditu

Bizkaiko erakundeak pertsona guztiei dei egiten die lehiaketa entretenigarri hauetan parte hartzera; afari bat edo 0 km-ko produktuez osatutako sari bat irabazteko aukera egongo da

Euskal Museoak (Bilbao Historiko, Zazpikaleetako Merkatarien Elkartea, San Frantzisko, Bilbo Zaharra eta Zabalako Merkatari eta Enpresen Elkartea, Bilboko Aste Nagusiko Gida Pirata, Erriberako Merkatua eta Café Lagorekin elkarlanean) bi lehiaketa dibertigarri aukeratu ditu, Museoan udan ikusgai egongo den “Bilboko Erraldoi eta Buruhandiak” erakusketa dela-eta.

Parte hartzea oso erraza da: Erraldoi eta Buruhandiekin lotutako galdera pare bati erantzun behar diezu, eta sariak irabazteko aukera izango duzu, esate baterako, afari bat, txokolatada bat edo 0 km-ko produktuz osatutako saski bat.

Zer egin behar da parte hartzeko? Hona hemen informazioa!

Bilbao Historikok, Zazpikaleetako Merkatarien Elkarteak eta San Frantzisko, Bilbo Zaharra eta Zabalako Merkatari eta Enpresen Elkarteak sari hauek zozkatzen dituzte:

            Txapeldun menu bat bi pertsonarentzat, Arandia de Julen jatetxean

(Enkarnazio plaza 10. Atxuri, Bilbo)

eta

    2 pertsonarentzako menu bat, Fernando Marinaren Pikas jatetxean

(Martzana kaia 8. Bilbo)

Zozketan parte hartzeko, galdera honen erantzuna asmatu beharko da:

        Zenbat pertsonaia daude guztira Bilboko Erraldoien konpartsan?

Bilboko Aste Nagusiaren Gida Piratak eta Bilbao Historikok sari hauek zozkatzen dituzte:

Txokolatada bat familian edo lagun taldean gozatzeko

Café Lagon. (Posta kalea 13. Zazpikaleak)

eta

0 km-ko produktuz betetako saski bat, Erriberako Merkatuak emanda.

      Zozketan parte hartzeko, bi galdera hauei zuzen erantzun beharko zaie:

Nola deitzen da Don Terencio erraldoiaren bikotekidea?

Nola deitzen da Zumalakarregi erraldoiaren bikotekidea?

Bete ezazu txartela (pertsonako bat) Euskal Museoan edo Bilboko Aste Nagusiaren Gida Pirataren webgunean (www.bilbaoastenagusia.com), eta aukera izango duzu sariak irabazteko.

Har ezazu parte uztailaren 9tik irailaren 2ra bitartean. Irailean jakingo dugu nortzuk diren irabazleak, eta Euskal Museoaren webgunean emango dugu horien berri.

Animatu, eta parte hartu! Erraldoi eta Buruhandien erakusketarekin gozatzeko lehiaketa dibertigarriak. Zuen zain gaude!