Familiek euskal ospakizun tradizionalak ezagutu ahal izango dituzte koadernotxo bati esker; horren bitartez, ibilbidea egingo dute Bilboko erakundean

Etxeko txikienek Euskal Museoan gozatu ahal izango dute Aste Santuaz, Bilboko erakundeak antolatu duen jarduera familiar autogidatuaren bitartez (8 urtetik gorako umeentzat). Doako koadernotxo bat da, Museoaren sarreran eskatu beharko dena. Horri esker, jolasen bitartez, familiek urteko beste une batzuetako euskal tradizioak ezagutu ahal izango dituzte. Gainera, ekimenak ibilbide bat proposatuko du Museoan, bisitariek intxaur-saltsaren errezeta ikasten duten bitartean edo Klaustroko altxorrak deskubritzen dituzten bitartean. Ibilaldia bukatzea lortzen duten txapeldunek saria izango dute. Zuon guztion zain egongo gara, jai-giroko abentura honetan!