Etorri kili-kiliarekin

Zu zara behar dugun arrantzalea edo artzaia!!

Txikienek badute jada plana Aste Santuko jaiegunetarako. Euskal Museoak haurrentzako tailerra eskainiko du; bertan, beraiek antolatutako antzezlana prestatzeko eta aurkezteko aukera izango dute parte-hartzaileek, besteak beste. Kili-Kiliri eskainitako aldi baterako erakusketatik abiatu, eta Museoko erakusketa iraunkorreko zirrikitu guztiak ezagutuko dituzte. Hori guztia, arrantzalez edo artzainez mozorrotuta egingo dute, eta esku-lanak egiteko aukera ere izango dute, haien papera antzezteko.

Doako tailerra izango da, eta martxoaren 25ean eta 26an egingo da, 11:00etatik 12:30era. Parte hartu nahi duten 5 eta 10 urte bitarteko haur guztiek aldez aurretik izena eman beharko dute, leku kopurua mugatua baita (gehienez 25 pertsona).

Ahaztu ezin izango duzuen dibertsioz eta ezagutzaz beteriko eguna izango da.

Izen ematea:

Tlfno.:  944 155 423 [Ordutegia: 9.00 – 14.00]