Bilboko Euskal Museoak, Bilboko Udalaren eta Bizkaiko Foru Aldundiaren menpekoak, obrak hasiko ditu museoko klaustroan, Gondra Fundazioak egindako ekarpenari esker.

Obren helburua Mikeldiko idoloak duen hezetasuna murriztea da; hain zuzen, kapilaritateagatiko hezetasunaren igoera murrizteko egingo dira.  Izan ere, Mikeldiko eskultura klaustroaren erdian dago.

Obrak irailaren 22an hasiko dira, eta urte honen amaierarako bukatzea espero da. Denbora-tarte horretan, ezin izango da klaustroa bisitatu.