2015ko Abenduak 22
Olentzero Euskal Museora heldu da gaur, eta, bertan, Bilboko Udaleko Jaien zinegotzi Itziar Urtasunek egin zion harrera. Ekitaldian, datozen egun eta gauetan egin beharreko zeregin guztien berri eman zuen.
Hitzordu ugari ditu agendan, adibidez, kaleko desfileak eta abenduaren 24an, ostegunean, Arriaga Antzokian izango den harrera.
Euskal Museoak bat egin nahi du "2015eko Bilboko Ospetsu" hautatuetako bat izateagatik Karmele Goñiri egindako zorion-adierazpenekin. Bilboko Udalak sari hori ematen die beren ibilbidean gauzak ondo eginez Bilboren izena zabaltzeko eta hedatzeko laguntza ematen duten pertsonei eta erakundeei.
Ostegunean, hilaren 19an, amaiera eman zion Euskal Museoak Bilboko historia nostalgiko eta sozialari eskainitako dokumentalen zikloari.
Bai joan den irailean abiatu ziren Bilboko txabolismo fenomenoan oinarritutako lau saioek, bai haien errepikapenek ikusle ugari bildu dituzte; izan ere, emanaldi guztietan bete da guztiz Kontsulatuko aretoa.
Gondra Barandiaran Fundazioko ordezkarien bisita jaso du Euskal Museoak. Aipatutako fundazioaren helburuetako bat da, oro har, arte ondarea eta, bereziki, Euskadiko eta Nafarroako artea zaintzea. Hain zuzen, fundazio horrek eman du Museoan gauzatzen ari diren obrak betearazteko beharrezko dirua.
Igela Manuela Kultur Elkartearen X.urteurrenaren ospakizuna dela eta, Zuberoako abesti eta kantu Tailerrean, Maddi Oihenart-en eskutik parte hartzera gonbidatzen zaituztegu.
